တရားတော်မြတ်၏ ထူးခြားသော အစွမ်းသတ္တိ ဂုဏ်တော်ခြောက်ပါး ပါဠိနှင့် အဓိပ္ပာယ်ရှင်းလင်းချက်
【 ပါဠိတော် 】
သွာက္ခာတော ဘဂဝတာ ဓမ္မော၊ သန္ဒိဋ္ဌိကော၊ အကာလိကော၊ ဧဟိပဿိကော၊ ဩပနေယျိကော၊ ပစ္စတ္တံ ဝေဒိတဗ္ဗော ဝိညူဟိ။
【 အနက်အဓိပ္ပာယ် ဖွင့်ဆိုချက် 】
၁။ သွာက္ခာတော ဘဂဝတာ ဓမ္မော - မြတ်စွာဘုရားသည် အစ၊ အလယ်၊ အဆုံး ကောင်းခြင်းသုံးပါးနှင့် ပြည့်စုံအောင် ကောင်းစွာဟောကြားတော်မူအပ်သော တရားတော် ဖြစ်ခြင်း။
၂။ သန္ဒိဋ္ဌိကော - သူတစ်ပါးပြော၍ ယုံကြည်ရုံမျှမက ကိုယ်တိုင်ကျင့်လျှင် ကိုယ်တိုင်သိမြင်နိုင်သော တရားတော် ဖြစ်ခြင်း။
၃။ အကာလိကော - ကျင့်ကြံအားထုတ်ပြီးသည်နှင့် အခါမလင့် ချက်ချင်း အကျိုးပေးတတ်သော တရားတော် ဖြစ်ခြင်း။
၄။ ဧဟိပဿိကော - အလွန်စင်ကြယ်သဖြင့် 'လာလှည့်၊ ကြည့်လှည့်၊ ကျင့်လှည့်' ဟု သူတစ်ပါးအား ရဲရဲဝံ့ဝံ့ ဖိတ်ခေါ်ထိုက်သော တရားတော် ဖြစ်ခြင်း။
၅။ ဩပနေယျိကော - မိမိ၏ စိတ်နှလုံးထဲ၌ အမြဲဆောင်ထားထိုက်သော တရားတော် ဖြစ်ခြင်း။
၆။ ပစ္စတ္တံ ဝေဒိတဗ္ဗော ဝိညူဟိ - ပညာရှိသော ယောဂီသူတော်စင်တို့က အသီးသီး မိမိတို့၏ ဉာဏ်ဖြင့်သာ ကိုယ်တိုင်သိမြင်အပ်သော တရားတော် ဖြစ်ခြင်း။
တရားဂုဏ်တော် ခြောက်ပါးပူဇော်ပုံ