နိဗ္ဗာန်ရောက်ကြောင်း တစ်ခုတည်းသော လမ်းစဉ်သည် မြတ်စွာဘုရားရှင် ဟောကြားတော်မူအပ်သော မဂ္ဂင်ရှစ်ပါး (မဇ္ဈိမပဋိပဒါ) တရားတော် ဖြစ်သည်။
【 မဂ္ဂင်ရှစ်ပါး သိက္ခာသုံးပါးအုပ်စု 】
【 ၁။ သီလသိက္ခာ အုပ်စု (Morality) 】
- သမ္မာဝါစာ - မဟုတ်မမှန်သောစကား၊ ကြမ်းတမ်းသောစကား၊ ကုန်းတိုက်စကားနှင့် အကျိုးမရှိသောစကားတို့ကို ရှောင်ကြဉ်ပြီး မှန်ကန်သောစကားကို ပြောဆိုခြင်း။
- သမ္မာကမ္မန္တ - သတ္တဝါတို့၏ အသက်ကိုသတ်ခြင်း၊ သူတစ်ပါးပစ္စည်းခိုးခြင်း၊ ကာမဂုဏ်တို့၌ မှားယွင်းစွာ ကျင့်ခြင်းတို့မှ ရှောင်ကြဉ်ခြင်း။
- သမ္မာအာဇီဝ - မတရားသော နည်းလမ်းများဖြင့် စီးပွားရှာခြင်းကို ရှောင်ကြဉ်ပြီး သန့်ရှင်းစင်ကြယ်စွာ အသက်မွေးခြင်း။
【 ၂။ သမာဓိသိက္ခာ အုပ်စု (Concentration) 】
- သမ္မာဝါယာမ - မကောင်းမှုတရားများ မဖြစ်ပေါ်စေရန်နှင့် ကောင်းမှုတရားများ တိုးပွားလာစေရန် ကြိုးစားအားထုတ်ခြင်း။
- သမ္မာသတိ - ရုပ်၊ နာမ်၊ ဓမ္မသင်္ခါရတို့အပေါ် သတိအမြဲ ကပ်ထားခြင်း။
- သမ္မာသမာဓိ - စိတ်ကို တစ်ခုတည်းသော ကုသိုလ်အာရုံပေါ်၌ ငြိမ်ဝပ်စွာ ထားရှိခြင်း။
【 ၃။ ပညာသိက္ခာ အုပ်စု (Wisdom) 】
- သမ္မာဒိဋ္ဌိ - သစ္စာလေးပါးတရားတော်နှင့် ရုပ်နာမ်တို့၏ အကြောင်းအကျိုး သဘောတရားကို မှန်ကန်စွာ သိမြင်ခြင်း။
- သမ္မာသင်္ကပ္ပ - ကာမဂုဏ်တို့မှ လွတ်ကင်းခြင်း၊ သူတစ်ပါးကို မဖျက်ဆီးလိုခြင်း၊ မညှဉ်းဆဲလိုခြင်းဟူသော မှန်ကန်သော ကြံစည်မှု။
နိဗ္ဗာန်ရောက်ကြောင်းတရား