မင်္ဂလသုတ်တော်သည် လူမှုကျင့်ဝတ်များနှင့် စီးပွားတိုးတက်ရေး၊ လောကီလောကုတ္တရာ ကောင်းကျိုးဖြစ်ထွန်းစေသော ၃၈ ပါးသော မင်္ဂလာတရားတော်များ ဖြစ်ပါသည်။

【 ပါဠိတော် 】
ဧဝံ မေ သုတံ၊ ဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ။ အထခေါ အညတရာ ဒေဝတာ အဘိက္ကန္တာယ ရတ္တိယာ အဘိက္ကန္တဝဏ္ဏာ ကေဝလကပ္ပံ ဇေတဝနံ ဩဘာသေတွာ ယေန ဘဂဝါ တေနုပသင်္ကမိ။ ဥပသင်္ကမိတွာ ဘဂဝန္တံ အဘိဝါဒေတွာ ဧကမန္တံ အဋ္ဌာသိ။ ဧကမန္တံ ဌိတာ ခေါ သာ ဒေဝတာ ဘဂဝန္တံ ဂါထာယ အဇ္ဈဘာသိ။

ဗဟူ ဒေဝါ မနုဿာ စ၊ မင်္ဂလာနိ အစိန္တယုံ။
အာကင်္ခမာနာ သောတ္ထာနံ၊ ဗြူဟိ မင်္ဂလမုတ္တမံ။

အသေဝနာ စ ဗာလာနံ၊ ပဏ္ဍိတာနဉ္စ သေဝနာ။
ပူဇာ စ ပူဇနေယျာနံ၊ ဧတံ မင်္ဂလမုတ္တမံ။

ပတိရူပဒေသဝါသော စ၊ ပုဗ္ဗေ စ ကတပုညတာ။
အတ္တသမ္မာပဏိဓိ စ၊ ဧတံ မင်္ဂလမုတ္တမံ။

ဗာဟုသစ္စဉ္စ သိပ္ပဉ္စ၊ ဝိနယော စ သုသိက္ခိတော။
သုဘာသိတာ စ ယာ ဝါစာ၊ ဧတံ မင်္ဂလမုတ္တမံ။

မာတာပိတုဥပဋ္ဌာနံ၊ ပုတ္တဒါရဿ သင်္ဂဟော။
အနာကုလာ စ ကမ္မန္တာ၊ ဧတံ မင်္ဂလမုတ္တမံ။

ဒါနဉ္စ ဓမ္မစရိယာ စ၊ ဉာတကာနဉ္စ သင်္ဂဟော။
အနဝဇ္ဇာနိ ကမ္မာနိ၊ ဧတံ မင်္ဂလမုတ္တမံ။

အာရတီ ဝိရတီ ပါပါ၊ မဇ္ဇပါနာ စ သံယမော။
အပ္ပမာဒေါ စ ဓမ္မေသု၊ ဧတံ မင်္ဂလမုတ္တမံ။

ဂါရဝေါ စ နိဝါတော စ၊ သန္တုဋ္ဌီ စ ကတညုတာ။
ကာလေန ဓမ္မဿဝနံ၊ ဧတံ မင်္ဂလမုတ္တမံ။

ခန္တီ စ သောဝစဿတာ၊ သမဏာနဉ္စ ဒဿနံ။
ကာလေန ဓမ္မသာကစ္ဆာ၊ ဧတံ မင်္ဂလမုတ္တမံ။

တပေါ စ ဗြဟ္မစရိယဉ္စ၊ သစ္စာနဒဿနံ။
နိဗ္ဗာနသစ္ဆိကိရိယာ စ၊ ဧတံ မင်္ဂလမုတ္တမံ။

ဖုဋ္ဌဿ လောကဓမ္မေဟိ၊ စိတ္တံ ယဿ န ကမ္ပတိ။
အသောကံ ဝိရဇံ ခေမံ၊ ဧတံ မင်္ဂလမုတ္တမံ။

ဧတာဒိသာနိ ကတွာန၊ သဗ္ဗတ္ထမပရာဇိတာ။
သဗ္ဗတ္ထ သောတ္ထိံ ဂစ္ဆန္တိ၊ တန္တေသံ မင်္ဂလမုတ္တမံ။

【 မြန်မာပြန်အကျဉ်း 】
၁။ လူမိုက်တို့ကို မပေါင်းသင်းရခြင်း။
၂။ ပညာရှိတို့ကို ပေါင်းသင်းရခြင်း။
၃။ ပူဇော်ထိုက်သူတို့ကို ပူဇော်ရခြင်း။
၄။ သင့်လျော်သော အရပ်ဒေသ၌ နေထိုင်ရခြင်း။
၅။ ရှေးကပြုခဲ့ဖူးသော ကောင်းမှုရှိခြင်း။
၆။ မိမိကိုယ်ကို ကောင်းစွာ ထိန်းသိမ်းဆောက်တည်ခြင်း။
၇။ အကြားအမြင် ပညာ ဗဟုသုတ ရှိခြင်း။
၈။ စက်မှုလက်မှု အတတ်ပညာများကို တတ်မြောက်ခြင်း။
၉။ လိုက်နာအပ်သော ကျင့်ဝတ်များကို စနစ်တကျ သင်ယူကျင့်သုံးခြင်း။
၁၀။ ချိုသာယဉ်ကျေးသော စကားကို ပြောဆိုခြင်း။
(ဤအချက်များ အပါအဝင် မင်္ဂလာတရား ၃၈ ပါးသည် လူသားတို့၏ အတိုးတက်ဆုံးသော လမ်းစဉ်ဖြစ်ပါသည်)