အာဋာနာဋိယသုတ်တော်သည် မကောင်းသော အနှောင့်အယှက်များ၊ ဘီလူးသရဲတစ္ဆေနှင့် နတ်ဆိုးတို့၏ ဘေးရန်မှ ကာကွယ်ရန်နှင့် မြင်အပ်မမြင်အပ်သော သတ္တဝါတို့၏ ချစ်ခင်မှုကို ရရှိစေရန် ရွတ်ဖတ်ရသော သုတ်တော် ဖြစ်သည်။
【 ပါဠိတော် 】
ဝိပဿိဿ စ နမတ္ထု၊ စက္ခုမန္တဿ သိရီမတော။
သိခိဿ ပိ စ နမတ္ထု၊ သဗ္ဗဘူတာနုကမ္ပိနော။
ဝေဿဘုဿ စ နမတ္ထု၊ နှာတကဿ တပဿိနော။
နမတ္ထု ကကုသန္ဓဿ၊ မာရသေနာပမဒ္ဒိနော။
ကောဏာဂမနဿ နမတ္ထု၊ ဗြာဟ္မဏဿ ဝုသီမတော။
ကဿပဿ စ နမတ္ထု၊ ဝိပ္ပမုတ္တဿ သဗ္ဗဓိ။
အင်္ဂီရသဿ နမတ္ထု၊ သကျပုတ္တဿ သိရီမတော။
ယော ဣမံ ဓမ္မမဒေသေသိ၊ သဗ္ဗဒုက္ခာပနူဒနံ။
ယေ စာပိ နိဗ္ဗုတာ လောကေ၊ ယထာဘူတံ ဝိပဿိသုံ။
တေ ဇနာ အပိသုဏာ၊ မဟန္တာ ဝီတသာရဒါ။
ဟိတံ ဒေဝမနုဿာနံ၊ ယံ နမဿန္တိ ဂေါတမံ။
ဝိဇ္ဇာစရဏသမ္ပန္နံ၊ မဟန္တံ ဝီတသာရဒံ။
【 မြန်မာပြန်အနှစ်ချုပ် 】
- မျက်စိငါးပါးနှင့် ပြည့်စုံတော်မူသော ဝိပဿီမြတ်စွာဘုရားအား ရှိခိုးပါ၏။
- သတ္တဝါအားလုံးကို သနားကရုဏာထားတော်မူသော သိခီမြတ်စွာဘုရားအား ရှိခိုးပါ၏။
- ကိလေသာအညစ်အကြေး ဆေးကြောပြီးသော ဝေဿဘူမြတ်စွာဘုရားအား ရှိခိုးပါ၏။
- မာရ်မင်း၏ စစ်သည်များကို နှိမ်နင်းတော်မူသော ကကုသန်မြတ်စွာဘုရားအား ရှိခိုးပါ၏။
- မွန်မြတ်သော အကျင့်ရှိတော်မူသော ကောဏာဂမနမြတ်စွာဘုရားအား ရှိခိုးပါ၏။
- ကိလေသာအားလုံးမှ လွတ်မြောက်တော်မူသော ကဿပမြတ်စွာဘုရားအား ရှိခိုးပါ၏။
- ဒုက္ခခပ်သိမ်း ငြိမ်းအေးကြောင်း တရားတော်ကို ဟောကြားတော်မူသော သာကီဝင်မင်းသား ဂေါတမမြတ်စွာဘုရားအား ရှိခိုးပါ၏။
မဟာပရိတ်တော်ကြီး ၁၁ သုတ်