ပုဗ္ဗဏှသုတ်တော်သည် နေ့စဉ်နက္ခတ်ဂြိုဟ်မကောင်းသောဘေး၊ မကောင်းသော အိပ်မက်နှင့် နိမိတ်ဆိုးများ လွင့်ပျောက်၍ ကောင်းကျိုးစီးပွား တိုးတက်စေရန် ရွတ်ဖတ်ရသော သုတ်တော် ဖြစ်သည်။
【 ပါဠိတော် အကျဉ်း 】
ယံ ဒုန္နိမိတ္တံ အဝမင်္ဂလဉ္စ၊ ယော စာမနာပေါ သကုဏဿ သဒ္ဒေါ။
ပါပဂ္ဂဟော ဒုဿုပိနံ အကန္တံ၊ ဗုဒ္ဓါနုဘာဝေန ဝိနာသမိန္တု။
သုနက္ခတ္တံ သုမင်္ဂလံ၊ သုပ္ပဘာတံ သုဟုဋ္ဌိတံ။
သုခဏော သုမုဟုတ္တော စ၊ သုယိဋ္ဌံ ဗြဟ္မစာရီသု။
ပဒက္ခိဏံ ကာယကမ္မံ၊ ဝါစာကမ္မံ ပဒက္ခိဏံ။
မနောကမ္မံ ပဒက္ခိဏံ၊ ပဏီဓိ တေ ပဒက္ခိဏေ။
ပဒက္ခိဏာနိ ကတွာန၊ လဘန္တတ္ထေ ပဒက္ခိဏေ။
【 မြန်မာပြန်အနှစ်ချုပ် 】
- မကောင်းသော နိမိတ်၊ မကောင်းသော အင်္ဂါ၊ မနှစ်သက်ဖွယ်ဖြစ်သော ငှက်ဆိုးမြည်သံ၊ မကောင်းသောဂြိုဟ်စီးဂြိုဟ်နင်းနှင့် အိပ်မက်ဆိုးဟူသမျှသည် ရတနာသုံးပါး၏ တန်ခိုးတော်ကြောင့် ပျက်စီးကင်းစင်ပါစေသတည်း။
- မိမိတို့သည် ကောင်းသော ကာယကံ၊ ဝစီကံ၊ မနောကံတို့ကို ပြုလုပ်ကြပါက ထိုအချိန်သည်ပင် ကောင်းသောနေ့၊ ကောင်းသော နက္ခတ်၊ ကောင်းသော အချိန်အခါ ဖြစ်ပေသည်။ သီလရှိသူတို့အား ပေးလှူပူဇော်ရခြင်းသည် ကောင်းသော ယဇ်ပူဇော်ခြင်း ဖြစ်ပေသည်။ ကောင်းသောအကျင့်ကို ကျင့်ခြင်းဖြင့် ကောင်းကျိုးချမ်းသာကို ရရှိကြပါစေ။
မဟာပရိတ်တော်ကြီး ၁၁ သုတ်